Шотландияға сапарым: 38-күн Edinburgh
Бүгін Шотландияның астанасы Единбург қаласына бару жоспарда. Ұсыныс айтқан Зарина мен Қуанышқа рақмет. Олар Француз елшілігіне құжат тапсыруға барады, ары қарай қаланы аралаймыз.
Глазгодан Единбургке дейін 1 сағат 25 минут. Автобус 8:30-да жүріп кетеді, негізі әрбір 15 минут сайын автобус бар. Билетті онлайн алып қойып, принтерден шығарып алыпты, Глазгодағы Buchanan Bus Station-нан жүреміз. Бұл автобус бекеті орталықта (мен солай атаймын, өйткені City center деген жақта), жаяу жүрсек менің үйімнен 40-45 минуттай жер. Бұл жақта жаяу жүре беретін болдым ғой 🙂
Сонымен аздап ертерек келіп алыппыз, автобусымызды күттік, уақытынан он бес минут ерте келіп тұратын автобусқа отырып алдық, уақытында жүріп кетті.
Соңғы кездері жол аздап соғып, автобустың жүрісін көтере алмай жүрмін. Бұл жолы әйтеуір ауырмай аман есен жеттік, бірақ бұл жолы Зарина жолға шыдамады.
Дегенмен жеттік ау.
Бірінші баратын жеріміз Франция елшілігі. Орталық үлкен бір көшеден түсіп алдық, көшенің атын ұмытып қалдым, енді өкініп отырмын. Қалаға тағы барамын ғой конференцияға, картадан университетке жақын жолды табайын десем көшенің атын білмеймін 🙂
Сонымен мынау елшілік, дәл елшіліктің қасына француз тілін үйрететін институт ашып қойыпты. Осы ғимараттың соңына қарай жүрсеңіз Ирландия консулдығын көресіз.
Глазго — Единбург, Шотландия
жұма, 24.10.2014
ностальжи суреттер үшін көп рахмет! әсіресе френч эмбаси ))
Құжаттарды бірден қабылдамайды екен ғой. біраз адамды қайтарып жібергенін көрдім 🙂 Менің таныстарымнан да қабылдамай қойды, олар кейін тағы барып тапсырды