Қаржылық жағдайды жақсартуға арналған 20 кеңес
Бақыт ақшада емес, бірақ көпшілігіміз үшін қаржылық жағдай өте маңызды. Назарларыңызға жұмыс істейтін бірнеше кеңесті ұсынамыз
1. Мейрамхана мен коммуналдық төлемдерді қолма-қол ақшамен төлеңіз. Бұл жұмсалатын соманың қомақтылығын сезінуге мүмкіндік береді де, артық ақша жұмсау қиынырақ болады.
2. Ай сайын арнайы шотқа аздап қаражат салып қойыңыз. Бір жыл ішінде қомақты сома жинақталады, оны іске салып немесе пайдамен жұмсауға болады.
3. Ақшаны ойын-сауыққа жұмсамаңыз. Үйде бірдеңе жасаңыз немесе отбасыңызбен уақыт өткізіңіз.
4. Жарнамаға көңіл бөлмеңіз – олар кез келген нәрсеге ақша жұмсауға азғырады. Мұндай хабарламаларға жазылудан бас тартыңыз және жарнамаларды оқымаңыз – сіздің шығындарыңыз айтарлықтай азаяды.
5. Егер сіз кез-келген затты сатып алуды әдетке айналдырған болсаңыз, онда қажет нәрселерден басқа, сатып алғыңыз келетін заттардың тізімін жазыңыз. Тізімді айына бір рет тексеріңіз. Егер қалаған затыңыз сізге әлі де қажет болса, онда сатып алыңыз.
6. Үйде тамақ пісіріңіз, мейрамханаларда тамақтанбаңыз. Азық-түлік өнімдерін жиі сатып алмаңыз, жартылай дайын фтамақтарды, тез дайындалатын рецепттерді қолданыңыз — бұл арзанырақ.
7. Күнделікті спорт жаттығуларымен айналысу аурудан, демек медициналық шоттардан сақтайды.
8. Ақшаңызды конверттерге мақсаттары бойынша бөліп қойыңыз: азық-түлікке, коммуналдық төлемдерге және т.б. — сіздің шоттарыңызды төлеуге әрқашан қаржыңыз болады.
9. Әр апта сайын жұбайыңызбен қаржылық мәселелерді талқылаңыз. Екеуіңіз де бір-біріңіздің шығындарыңыз туралы хабардар екендеріңізге көз жеткізіңіз.
10. Қарапайым электрондық кестелер (Google Docs, Spreadsheets) көмегімен кірістер мен шығыстар бойынша деректерді реттеп қойыңыз.
11. Алдымен шоттарды төлеңіз, содан кейін барлық басқа шығындарды жоспарлаңыз.
12. Үйде жаттығу жасаңыз және жақын маңдағы саябақта жүгіріңіз — жаттығу залындағы сабақтарға ақы төлеудің қажеті жоқ.
13. Кабельді теледидардан бас тартыңыз. Басқа заттармен айналысуға көп уақыт пайда болады.
14. Үйде жиналып қалған керексіз заттардан арылу сіздің өміріңізді жеңілдетіп және тазартып қана қоймайды, сонымен қатар қажетсіз заттарды сатып алуға үйретеді.
15. Қажет емес заттарды – киімдерді, кітаптарды, ойыншықтарды жұртқа таратыңыз. Егер сізге бірдеңе қажет болса жұрттан сұраңыз. Сіз оны тегін ала аласыз.
16. Бартерді қолданыңыз – тауарлар мен қызметтерді айырбастаңыз. Бұл әдіс сізге көп ақша үнемдейді.
17. Интернет-әмиянға ақша жинаңыз. Мұндай әмияннан қаражат алу, оған ақша салудан әлдеқайда қиын – сонымен қатар ол арқылы қаражат табуға болады.
18. Сыйлық сыйлауда үнемдеңіз. Өз қолыңызбен жасалған сыйлықтар беріңіз, жақындарыңызбен уақыт өткізіңіз. Жомарттық көрсету қымбат емес.
19. Балаларыңызды сыйлық беруге, ақшаны дұрыс жұмсауға және үнемдеуге, ақша табуға үйретіңіз – бұл болашақта көп қаражат үнемдеуге мүмкіндік береді.
20. Бақыт ақша жұмсауда емес. Табиғаттан, оқудан, спортпен айналысудан, жақындарыңызбен қарым-қатынастан қуаныш іздеңіз.
