Сарқырама
Алматыдағы Бутаковкаға бұған дейін де барғанбыз, бірақ ол жақтағы Сарқырамаға жазда барғанда жол түспеген болатын. Өйткені машинаны тексеру бекетінің қасына қойып әрі қарай жаяу барғанбыз. Сөйтсек ол сондай жақын жер емес екен, бір кісінің айтуынша 7-8 шақырым екен. Соған шаршап қалып, әрі қарай бармай-ақ қояйық деген мен болатынмын. Оның орнына сол жерде болып жатқан ат жарысын көріп қайтқан болатынбыз.
Осы жолы қыстағы Бутаковканы көрдік. Басты мақсатымыз сарқыраманы көру болғандықтан, машинамен жоғарыға дейін көтерілдік. Бізден басқа да біраз адам бар екен, көбі шаңғы тебуге келіпті.
Сонымен фотобаянымызды бастайық.
Машинаны осы жерге қойып жаяу жүруге дайындалып тұрмыз.
Айналаға көз тастасақ керемет табиғаттан көз ала алмайсың.
Сарқараманың қасында тұрып аспанға қарағанбыз.
Сарқыраманың тап өзі.
Су ағып жатқан жерлерде ауа райының суық және қардың жатқанына қарамастан өсіп жатқан мына гүлдерді-ай.
Басқа суреттерді тағы қосып қоярмын.
Ең бастысы: Алматыда тұратын болсаңыз, оқу оқып жүрсеңіз, тіпті қыдырып келсеңіз осындай көрікті жерлерге барып қыдырып қайтыңыздар. Тыныштық, керемет табиғат, көтеріңкі көңіл-күй сіздің серігіңіз болатыны сөзсіз.
Алматы,
Бутаковка
2013 жылдың 15 желтоқсаны
