Әлемдегі барлық зымырандардың биіктігі мен көлемін 1 суретте салыстыру
Ғарыш туризмі
SpaceX өзінің қайта пайдалануға болатын Falcon 9 зымырандары мен Crew Dragon ғарыш кемесімен ғарышқа ұшудың жаңа дәуірін бастады – жақында ғана орбитада үш күн болғаннан кейін Inspiration4 — SpaceX-тің бірінші азаматтық миссиясының қатысушылары оралды. 2021 жылдың шілдесінде ғарыш туризмінің тағы екі маңызды коммерциялық миссиясы өтті – миллиардерлер Ричард Брэнсон мен Джефф Безос та өз компанияларының кемелерімен ғарышқа барып қайтты.
Айға бірінші болып жету
Дәл қазір біздің көз алдымызда айға бірінші болып жетудің жаңа жарысы басталады. Оның АҚШ пен КСРО арасындағы жарты ғасыр бұрынғы бәсекелестіктен айырмашылығы, бұл жарыс әлдеқайда үлкен және әсерлі, өйткені оған көптеген жекеменшік компаниялар қатысуда, ал оның мақсаты жай ғана адамды Жер серігінің бетіне қондыру емес. Жоспарлар әлдеқайда керемет – алдымен Айды отарлап минералды заттарды өндіру, содан кейін Марс пен бүкіл Күн жүйесін отарлау.
Осы аптада америкалық FAA реттеушісі SpaceX-тің Техастағы Starbase ұшыру алаңынан Starship орбиталық ұшырылымын жүргізу туралы ұсынысына міндетті экологиялық бағалау жобасының нұсқасын жариялады. Қоғамдық талқылау 18 қазанға дейін созылады, содан кейін реттеуші өз шешімін қабылдайды. Әзірге бәрі SpaceX осы жылдың соңына дейін Starship-тің бірінші орбиталық ұшырылымын жүргізе алатындығын растауда.
Іске қосылғаннан кейін, жүктер мен адамдарды жердің төменгі орбитасына, Ай мен Марсқа жеткізуге арналған Super Heavy + Starship жүйесі ғарыш зерттеулерінің бүкіл тарихындағы ең қуатты және ең көп жүк көтере алатын жүйе болады. Зымыран екі сатының да (Super Heavy мен Starship) Жерге оралуымен, сондай-ақ орбитада түйісу мен жанармай құю мүмкіндігімен көп рет қайта қолдануға болатын конфигурациясында 150 тоннаға дейінгі жүкті төмен жер орбитасына жеткізуге қабілетті болады. Соңында, BBC жасаған Saturn V мен SLS -пен салыстырғандағы Starship-тің жүк көтеру қабілеті мен өлшемдерін көрсететін инфографикасын ұсынамыз.
Дайындаған Бақытжан Салихов
