Дүниежүзілік нан күні

Әлемдегі ең танымал тағамдардың бірі, әрине, нан. Сондықтан оның өзінің мерекесі –  жыл сайын 16 қазанда атап өтілетін Дүниежүзілік нан күні бар екеніне таң қалмаңыз.

Мереке 2006 жылы Халықаралық наубайшылар мен кондитер пісірушілер одағының бастамасымен құрылған. Ал күнді таңдау 1945 жылдың 16 қазанында Біріккен Ұлттар Ұйымының ауыл шаруашылығының дамуы мен оның өндірісіндегі мәселелерді шешумен айналысатын Азық-түлік және ауылшаруашылық ұйымының құрылуына байланысты. Айтпақшы, тағы бір мереке – Дүниежүзілік азық-түлік күні де дәл осы оқиғаға орайластырылған.

Нанның тарихы бірнеше мыңжылдықтарды қамтиды. Ғылыми зерттеулерге сәйкес, алғашқы нан өнімдері шамамен 8 мың жыл бұрын пайда болған. Сырттай олар жармалар мен судан дайындалған және ыстық тастарда пісірілген жалпақ таба нандарға ұқсаған. Алғашқы ашытқы қосылған қамырдан жасалған нанды Египетте пісіріп үйренген екен. Нан сол кездің өзінде басты тағам, “асыраушы” ретінде саналған. Нанды күнмен байланыстырып, тіпті алғашқы жазбаларда бір белгімен – ортасында нүктесі бар шеңбермен белгілеген. Баяғы замандарда ақ ұннан жасалған нанды негізінен жоғары таптағы адамдар тұтынатын, ал қара және сұр (түсіне байланысты) нан кедейлердің тамағы саналатын. Тек ХХ ғасырда қара бидай мен тұтас дәнді нанның пайдасы мен тағамдық құндылығы туралы білім таралған соң, қара нан танымал бола бастады.

172
Share

от bilimpaz

Добавить комментарий

Ваш адрес email не будет опубликован. Обязательные поля помечены *