Әбігерсіз Жаңа жыл
Аздап жоспарлау мен салауатты шекара қою арқылы мерекелік демалыстарды күйзеліссіз өткізіңіз.
Кейде мереке кезінде күнделікті күйзеліс пен мазасыздық күшейе түседі. Алдымызда Жаңа жыл!
Жаңа жылдық мерекелер кезінде күйзелісті азайтуға және демалысты барынша тиімді пайдалануға көмектесетін бес кеңес ұсынамыз.
Ыңғайсыздық келтіруі мүмкін немесе жайсыздық тудыратын адамдарды мерекеге шақырмаңыз!
Егер сіздің қонақ тізіміңізде әдетте мазасыздық тудыратын – мас күйінде келетін, ұрысқақ немесе жұртқа жағымсыз тақырыптарға (саясат немесе басқа да қиын тақырыптарға) қоймай-қоймай әңгіме айта беретін адам болса, оны тізімнен алып тастаңыз. Егер біреу сізбен бірнеше сағатты тыныш өткізе алмаса және сіздің немесе сіздің қонақтарыңыздың көңіл-күйін бұзады деп қорқсаңыз, онда бұл адамды шақыру керек емес.
Мерекелік кездесулерге шақыру алу – бұл адамға көрсеткен құрмет.
Сіз өзіңіз алатын шақыруларға да солай қараңыз. Сіздің өзіңізге ыңғайсыздық тудыратын кешке немесе іс-шараға барудың қажеті жоқ.
Іс-шараға жұмыс себептері бойынша қатысу қажет болса, онда ертерек келіп, сізді көруді қажет ететін барлық адамдармен сәлемдескеннен кейін, кетіп қалыңыз. Кездесуге дейін және одан кейін телефон немесе SMS арқылы хабарласыңыз. Егер сіз кешке өзіңізбен бірге басқа қонақты шақыра алсаңыз, қолдау ретінде жақсы досыңызды шақырыңыз.
Барлық жағдайларда, сізге, яғни өзіңізге жақсы нәрсені, әсіресе психикалық денсаулық тұрғысынан жақсысын, жасаңыз. Шекараларды сауатты белгілеп және де оларды қоюға да міндеттісіз.
Мерекелік бюджетті құрастырып, оны бұлжытпай ұстаныңыз
Ақша немесе оның жетіспеушілігі демалыс кезіндегі күйзелістің негізгі көзі. Сыйлық немесе әшекейлерді сатып алу, көңілді кештерге қаржы жұмсауды ескерсек, мерекелер қымбатқа түседі.
Өзіңізге қолжетімді бюджетті белгілеңіз және оны ұстаныңыз. Импульс әсерінен сатып алудан аулақ болыңыз. Сатып алуға ақшаңыз жоқ заттарды қарауға өзіңізді итермелемеңіз.
Қаңтар – келе жатқан жылға демалыс бюджетін жоспарлаудың тамаша уақыты. Келесі жылдың соңына дейін сатып алулар үшін ақша жинауға ай сайын үнемдеу қажет болады немесе соңында үлкен соманы жұмсамау үшін жыл ішінде тауарларды бөліп сатып алуға болады. Егер өзіңізге жұмсау үшін қаражат қажет болса, неге оны алдын ала жинап қоймасқа? Қандай бюджетті таңдағаныңызға қарамастан, оның бар екендігі демалыс кезінде сіздің күйзеліс деңгейіңізді төмендетеді.
Қарапайымдату
Демалыс кезінде күйзелістің тағы бір көзі — бұл тым көп істерді жүзеге асыру. Егер сізге демалыстан кейін тағы да демалыс күндері қажет болса, онда бұл жақсы емес.
Сізге тізім бойынша барлық істерді жасау керек пе? Кейбіреуінен бас тартуға бола ма? Мерекелік ашықхаттарды өз еркіңізбен жазасыз ба, әлде бұл сізден күтетін дәстүр ме? Үйдің әр бөлмесін безендіру соншама қажет пе? Егер бұл сізге қызық болса, ұнайтын болса, онда алға, безендіріңіз! Бірақ егер сіз бұл істерді істеуге мәжбүр болсаңыз, оларды мүлдем істемеу туралы ойланыңыз.
Демалыстың себебін есте сақтаңыз
Жылдың осы уақытында мерекенің шын мәнін есте сақтау арқылы күйзелісті азайтуға болады. Егер сіз жыл соңын құдайдан қорқып қарсы алатын діндар адам болмасаңыз, онда бұл кезеңді отбасыңызбен және достарыңызбен бірге болу мүмкіндігі ретінде қабылдаңыз. Мүмкін, жылдың осы мезгілі сізге өміріңіздің қиын кезеңдерін еске түсіретін шығар, онда осы уақытқа жаңа, жағымды мағына беруге тырысыңыз.
Сенімдеріңіз қандай болса да, өзіңіз үшін маңызды нәрсеге назар аударыңыз. Белгілі бір мәні бар әрекеттермен айналасу қобалжуды азайтуға көмектеседі.
Алғыс айтып, жаттығыңыз
Ең бастысы, мерекелік демалыстар бізге алғыс айтуымыз керек барлық нәрселер туралы ойлауға мүмкіндік береді: отбасымыз, достарымыз, маңызы бар жұмыс және т.б. Бар нәрсемізді көріп, жоқ нәрсеге тоқталмағанда, кейбір уайымдар сүйіспеншілікке, алғысқа және үмітке ауысады.
